Historic and Municipal Documents of Ireland, A. D. 1172-1320, from the Archives of the City of Dublin, Etc

This historic book may have numerous typos and missing text. Purchasers can usually download a free scanned copy of the original book (without typos) from the publisher. Not indexed. Not illustrated. 1870 edition. Excerpt: ...fets a la communal te de la dite cyte, dount Ieo estoie aresne, ueuaunt Richard Laweles, meyr de la dicte cyte, en plein hundred, homblement me suymis en la grace des ditz meyr et communalte, a fere de ceo les amendes a lur volunte. Estre ceo, Ieo, le dit Geffrey, pur moy et pur Maud, ma compaigne, reles et quite cleim a les ditz meyr et communalte, et a chescun de la dite communalte, a touz et a chescun de ceux qui ont valu et ayde a la dite communalte encountre moy, chescune manere de accion de trespas fetz a moy auaunt la fesaunce de cest escrit, horspris accion de teres, tenementz, et de ceo qe apent a fraunk tenement ot dettes, couenauntz et acountes. Eusement, Ieo reles et quite cleim as ditz meyr et communalte chescune manere accion de dette, de acounte, et de couenaunt, qe Ieo ay ou auoie en mon noun, ou en noun Maud, ma feme, come executrice du testament Robert de Bre, iadis sun barun, en quele manere qe ceo seit, sauue accion de teres, tenementz rentes et autres choses qe touchent fraunk tenementz. 7. Original in archives of Municipal Corporation of Dublin. Estre les dites choses, Ieo oblige moy et mes heirs, en cink centz mares dargent a paier a la dite communalte, a lur volunte, si Ieo en nul temps auenir trespasse encontre la dite communalte ou vers nul de la dite communalte, encontre la franchise de la dite communalte; ou les trauaille, ou les face estre trauaillez par moy ou par autre, en blemissement de la dite fraunchise a mon tort, apres ceo qe Ieo le sauray par resnable garnissement ou autrement. En tesmoignaunce de cestes choses a cestes presentes lettres ay mis mon seal. Done a Diueline, le Lundy prochein apres la feste Seinte Lucie, virgine, lan du regne le roy, Edward, fiz le roy Edward, septime 1313. 8. Memorandum...